Mo? Ko? Oo?
Jul 24, 2023
Nagbago na ang lahat
Dahil sabi mo, ganito dapat.
“Maganda ka kaso…”
Palit ng damit, natutong mag palamuti
Dahil sabi mo ang tipo mo ay ganito…
Nakita ko nga ang ganda ko
Ngunit inaabot ng seisenta minuto
sa pagpili ng damit upang marinig ang segundo mong “oo”
Matapos ang unti unting pagbabago
“Maganda ba ‘to?” ang lalabas sa bibig mo
Tumutukoy ka nanaman sa ibang mong tipo
Darating ba ang araw na ako naman ang mapapansin mo?
Na ako na ang matitipuhan mo?
Ano ba ang dapat ko pang baguhin para naman ako ang mapili mo?
